Premye Dam Ikrèn, Olena Zelenska, rankontre Sekretè d'Eta Ameriken Antony Blinken Lendi nan kad yon seri rankont wo profil lap fè nan Washington, kote li pral fè chita tande tou ak tokay Amerikèn li, Jill Biden.
Drapo ble ak jon Ikrenyen yo te flote bo kote drapo Ameriken yo sou Avni Pensilvani (kote Lamezonblanch sitye) nan moman Zelenska tapral asiste premye antretyen li ak Blinken.
Pot pawol Depatman d'Eta, Ned Price deklare sekretè d'eta a rasire Madan Zelenska ke Etazini rete angaje vizavi Ikrèn.
"Sete vreman yon opotinite pou serkrete a souliyen angajman konpreyansif Etazini pran vizavi pep Ikrenyen an. Li te gen opotinite felisite premye dam nan pou travay li fe pou apiye anpil sivil, sivil Ikrenyen ki ap fe fas ak konsekans lage brital sa a. Li fe remake Anbasad nou nan Kyev kontan travay ak premye dam nan pou apiye kek nan pwogram li yo. Li gen yon bel inisyativ sante mantal pou sitwayen ke lage a afekte. USAID apiye inisyativ sa a tou e sekrete a reitere nou pral kontinye pran angajman pou ede Ikren reprann ni ak rekonstwi apre lage a e ke nou pral kanpe bo kote yo pou apiye yo nan lavni," Price deklare.
Depatman d'Eta anonse epi anile apre sa yon plan pou Blinken ak Zelenska te paret devan fotograf yo.
Arive pwofil ba premye dam nan reflete ke li pap vwayaje antanke reprezantan ofisyel gouvenmen mari li, Volodymyr Zelenskyy.
Madan Zelenskaa te etidye achitekti nan inivesite men li te travay kom dramatij sou komedi kote mari li te konn jwe nan yon pwogram televizyon popile anvan li te vinn prezidan an 2019.
Zelenska soti ann izolman 8 Me pase a pou'l salye Jill Biden le li te fè yon vizit sipriz nan wès Ikrèn.
2 premyè dam yo te rankontre nan yon lekol, yo te kwoke, koze epi rejwenn yon gwoup timoun ki tap fè ti lous ak papye pou bay manman yo kom kado pou fèt dè mè.
Zelenska te parèt an piblik pi plis apre rankont sa a.
Lap rankontre Jill Biden Madi e li pral pale nan oditwa kongresyonèl la nan Capitol la Mèkredi.
Tout palmantè Ameriken yo te leve kanpe pou bat bravo pou mari li lè li te pale ak yo pa videyo konferans pi bonè nan ane a apre lagè a te komanse.