Twitter te pran aksyon legal Madi pou fòse Elon Musk achte rezo sosyal la. Dapre sa avoka yo di, yo te tabli kondisyon yo ak bòs Tesla a nan fen mwad Avril la, ki te evalye acha rezo a $44 milya.
Yon jij ki soti nan yon tribinal ki espesyalize nan lwa biznis, nan Eta Delaware ap gen pou detèmine si wi ou non millyardè a kapab mete fen nan akò a.
Avoka Twitter yo deklare ke" ke estrateji modèl biznis Elon Musk la se ipokrizi ".
"Apre li te fin fè yon seri emisyon ki vize Twitter, epi apre li fin pwopoze epi siyen yon kontra fizyon, Musk sanble kwè li lib -- kontrèman ak nenpòt ki pati ki gen kontra anba lwa Delaware -- pou l chanje lide, difame konpayi an, deranje biznis li, detwi valè aksyon li yo, epi lave men kouri kite sa" avoka Twitter deklare nan dokiman tribinal la ke AFP te wè.