Nouvo MacBook Air ak MacBook Pro yo ap disponib nan magazen nan mwad Jiyè a.
2 nouvo laptop Apple yo se pral premye odinatè konpayi teknoloji Ameriken an ki gen nouvo jenerasyon mikwo-pwosesè M2 li desinen.
MacBook Air la pral vann pou $1,200 tandiske MacBook Pro a pral vann pou $1,300.
Tim Bajarin, se yon Chèchè sou kestyon Teknoloji pou konpayi Creative Strategies Inc.
"Ou gen 2 bel nouvo laptop. Nouvo MacBook Air la gen yon ekran ki mezire 13.6 pous, afichaj retin likid, epi nouvo pus M2 a. Nouvo MacBook Pro a gen nouvo pus M2 a tou. Tou le 2 pi pwisan pase sa nou te wè anvan. Nouvo MacBook Air la pi fen, e li 20% pi leje pase ansyen yo. Donk an jeneral sa nou konstate se yon nouvo seri laptop pwisan ke Apple ap mete a la dispozisyon konsomate li yo," misye esplike.
Jeyan teknoloji a devwale 2 nouvo laptop sa yo pandan Konferans anyel Developè Mondyal yo ki dewoule Lendi 6 Jyen nan vil Cupertino, eta Kalifoni, kote Apple gen katye jeneral li. Se premye evenman konsa Apple oganize nan baz li depi komansman pandemi a.
Yon gason pran yon potre ak iPhone li, Lendi 6 Jyen 2022 anvan konferans Develope Mondyal Apple la nan Cupertino, Kalifoni.
Kom d'abitid, Apple te pase pi fo premye jounen konferans li a ap fè piblisite pou nouvo lojisyèl li pou iPhone, iPad ak Mont Apple la ansanm ak odinatè Mac li yo. Li deside fè sa olye li montre nouvo aparèy teknoloji ki lakoz moun toupatou nan mond lan toujou ap gade ki nouvo bagay lap anonse.
"Sa se yon konferans ki pou develope yo selman. Li santre sou lojisyel pou pi fo. Men youn nan teknoloji ki rann iPhone nan ak iPad la ak Mac yo pwisan konsa," Bajarin deklare.
Nouvo lojisyèl iPhone nan rele iOS 16, e li pral chanje konplètman sa moun wè lè iPhone yo kadnase epi gen kèk lot ti amelyorasyon li fè nan fason lojisyel la mache.
Apple pral mete nouvo lojisyèl sa a ala dispozisyon konsomatè yo gratis.
Nouvo lojisyèl yo vin de plizanpli enpotan pandan ane ki pase yo, paske moun ki achte iPhone yo kenbe yo pi lontan pase kantite tan yo te konn kenbe yo nan le pase, anvan yon achte nouvo modèl yo.