Yon mesye touye ak zam 2 fanm nan lakou yon legliz nan eta ameriken Iowa, jedi e apre sa touye tèt li. Sa ki ajoute 3 lòt ka lanmò nan yon seri fiziyad ki frape Etazini.
Yon ti tan anvan sa, Prezidan Joe Biden te fè yon gwo diskou sou vyolans ak zam apre sa ki te fèt nan Buffalo, Nouyok, Uvalde, Texas, ak Tulsa nan Oklahoma, nan semèn ki pase-yo.
Pandanstan yon lòt tire fèt jedi ankò kote 2 moun blese pandan yo te nan simityè pou yon fineray nan bouk Racine, nan eta Wisconsin.
Tire nan Iowa a fèt devan Legliz Cornerstone, yon legliz Kretyen fondamantalis alès vil Ames, pandan yon aktivite t ap dewoule andan legliz la.
Yon ti moman anvan sa, Biden te ekzòte Kongrè a pou li entèdi zam daso, kidonk zam lagè, ekzije plis rechèch sou istwa moun ki ap achte zam, e pran lòt mezi pou kontwole zam nan peyi a.