CHIKAGO - Tanperati a monte depase 32 degre Celsius (anviwon 90 degre Fahrenheit) nan kèk rejyon nan sant Lèzetazini pandan 2 zou 3 jou ki pase yo.
Sepandan, dekouvèt kadav 3 fanm nan yon sant retrèt pou gran moun aje nan Chikago mwa sa a mete vil la nan yon sitiyasyon kote otorite yo ap chache repons pou kesyon yo te dwe reponn deja apre yon vag chalè ki te dire pi lontan e ki te pi sevè sa preske gen 30 tan; vag chalè sa a te lakoz lanmò plis pase 700 moun.
Kounyela a, Chikago ak tout peyi a ap fè fas ak yon reyalite: sè ke, akoz chanjman klimatik yo, li posib pou vag chalè ki ka touye moun frape nenpòt ki kote e non pa sèlman nan mitan gwo chalè sezon ete a e li pa nesesè pou l dire lontan.
Eric Klinenberg, yon sosyològ nan Inivèsite New York, deklare: “Vag chalè ki pi cho e ki pi danjre ap kòmanse pi bonè kounyela a depi nan mwa me… epi yon lòt bagay ki prezante, sè ke n ap viv pi lontan e plis moun abite pou kont yo. Nenpòt ki vag chalè se yon resèt pou katastwòf.”