ANKARA, Tiki - Otorite wo plase peyi Laswèd ak Fenland te pase 5 kèk tan ap negosye avèk kòlèg yo nan Ankara, kapital Tiki, mèkredi 25 me a nan kad efò y ap fè pou yo konvenk gouvènman Prezidan Recep Tayip Erdogan pou l kite tonbe opozisyon li kont admisyon 2 peyi yo nan Òganizasyon Trete Atlantik Nò a (LOTAN).
Semèn pase a, Laswèd ak Lotrich te soumèt aplikasyon yo alekri pou yo antre nan alyans la. Demach sa a reprezante youn nan pi gwo konsekans jewopolitik lagè Larisi ak Ikrèn nan, an menm tan ke sa kapab chanje reyalite a pou sekirite kontinan ewopeyen an.
Tiki deklare li pa dakò pou Laswèd ak Fenland antre nan LOTAN akoz mezanant li genyen ak 2 peyi yo poutèt apui li santi y ap pote bay gwoup tankou Pati Travayè Kidistan an (PKK), ak lòt antite ke Ankara konsidere kòm yon menas pou sekirite li.