Kathleen Mpofu - youn nan avoka k ap defann Moyo - fè konnen jounalis la ap konparèt devan tribinal 28 Avril k ap vini an.
Li di: "Jij la rejte demann pou anile pwosè a. Sanble majistra tribinal la te konte sou prèv ke leta gen ki moutre ke jounalis etranje a te jwenn fo kat jounalis pou repòtè-yo e ke, baze sou entèpretasyon sa a, li deside gen ase prèv pou jije l."
Avoka k ap defann Moyo yo te kwè ke pwosè a ta pwal tonbe, apre ke menm tribinal-la nan koumansman mwa a
te deklare non-koupab yon responsab Komisyon Media Zimbabwe a, Thabang Manhika, ki ta swa-dizan fè fo kat laprès pou 2 jounalis New York Times ki baze nan Afrik di Sid, ki te antre Zimbabwe e ke imigrasyon te depòte apre sa. Yo te fè 2 pwosè separe pou Moyo ak Manhika. Gouvènman Zimbabwe a fè konnen ni Moyo, ni Manhika te vyole lwa imigrasyon.