LaRisi anonse plan pou kèk nouvo sese-l-fe jodi mèkredi a pou pèmèt sivil kite plizyè pati nan Ikrèn ke fòs ris yo mete anba syèj, yon jou apre plizyè milye moun te resi kite yon vil nan nòdès Ikrèn pandan otorite nan Ikrèn akize LaRisi kòmkwa li ta pilonnen yon lòt wout evakyasyon nan pati sid peyi a.
Premye-minis Ikrèn Iryna Vereshchuk di LaRusi te konfime ke wout evakyasyon t ap pèmèt moun kite Sumy, Mariupol, Enerhodar, Volnovakha, Izyum ak plizyè bouk toupre kapital la Kyèv.
Vereshchuk fè konnen 5,000 moun te rive kite Sumy madi.
Men nan Mariupol, kote yon syèj ris kite vil sa a ki nan sidès peyi a ak yon sevis elektrisite k ap diminye, menm jan ak chofaj, manje ak dlo, efò pou evakye moun yo echwe. Vereshchuk fè konnen fòs ris yo te tire sou yon konvwa kargo imanitè.