Nan mitan jounen vandredi 3 out 2021 an, Prezidan Joe Biden te kite Washington pou l ale nan Lwizyàn kote lidè ameriken an evalye avèk pwòp je li dega ak devastasyon Siklòn Ida koze nan eta a ak lòt kote sou kòt Gòlf la, nan pati sid peyi a.
Prezidan Biden lanse yon apèl bay piblik ameriken an pou mande l pran dispozisyon ki pi dyanm pou l fè fas ak chanjman klimatik yo epi ede peyi a konfwonte tout kalite move tan k ap fòme pi souvan e ak plis fòs nan peyi a, mete sou inondasyon ak dife forè ki pa sispann sakaje Lèzetazini depi kak tan deja.
Prezidan Joe Biden pale ak moun Louizyann pandan lap vizite yon katye Ouragan Ida frape di, 3 Sept. 2021.
Depi kèk ane deja tou, se byen souvan moun wè premye sitwayen Etazini d Amerik la kite Washington pou l al vizite zòn sinitre kote siklòn, inondasyon, dife ak fiziyad pou tout kalte rezon koze dega, dezas ak devastasyon nan peyi a. Se yon moman pou prezidan an montre konpasyon li e pou administrasyon l nan voye asistans nan rejyon afekte yo yon fason pou montre piblik ameriken an ki tip de leadership La Mezon Blanch ap ofri sitwayen yo.
Klike sou 2 lyen ki pi devan yo pou w suiv 2 repòtaj sou dega ak viktim Siklòn Ida koze pandan pasaj li sou Lèzetazini: youn avèk Marie-Luce Pierre epi lòt la avèk Lyonel Desmarattes.
Your browser doesn’t support HTML5
Repòtaj Marie-Luce Pierre sou pasaj Siklòn Ida nan New Jersey ak New York.
Your browser doesn’t support HTML5
Prezidan Biden Vizite Eta Lwizyàn - Repòtaj Lyonel Desmarattes.