Ayiti-Ekonomi / Tichann Mache Hipolit yo ap Reprann Aktivite yo Timidman APre DIfe 13 Fevriye a

An Ayiti ti machann mache-an-fè Pòtoprens la kòmanse retounen timidman nan mache a 3 jou apre yon dife te detrui pi fò nan batiman an. Kèk nan yo di Lavwadlamerik yo gen konfyans nan kèk gwoup kanavalesk ki pwomèt yap mete lajan yo fè nan kanaval a la dispozisyon viktim dife a.

Repòtaj Orpha Dessources sou repriz timid aktivite yo nan Mache Hyppolite (Mache-an-Fè) nan Pòtoprens. 16 fevriye 2018.

Gouvènman Moise-Lafontant an anonse li pral fòme yon komite pou evalye dega yo, resanse viktim yo epi ede ti machann yo reprann aktivite yo. Sepandan ti machann yo mande otorite yo vin pale avèk yo dirèkteman; paske yo "pa kwè nan okenn komite ki pral pèdi tan san bay rezilta."