Pòtpawòl Depatman Deta a, John Kirby, fè parèt yon deklarasyon sou piblikasyon rezilta definitif eleksyon prezidansyèl yo ann Ayiti. Men tradiksyon kreyòl tèks la:
“ DEKLARASYON POTPAWOL JOHN KIRBY
3 Janvye 2017
Konsèy Elektoral Pwovizwa a an Ayiti pibliye rezilta definitif eleksyon prezidansyèl yo
Piblikasyon rezilta final eleksyon prezidansyèl la ann Ayiti jodi a reprezante yon pa pozitif sou wout retablisman enstitisyon demokratik yo nan peyi a.
Nou felisite Prezidan-Eli a, Jovenel Moise, pou viktwa li ranpòte depi nan premye tou a e nou espere travay etwatman avèk li pandan nap ranfòse relasyon patenarya nou ak Ayiti –relasyon ki egziste depi byen lontan. Nou ekzòte tout aktè pou yo aksepte rezilta final yo, pa komèt vyolans, epi travay ansanm pou bati yon Ayiti ki pi estab e pi pwospè.
Lèzetazini repete apui li pou efò kap fèt pou rès eleksyon yo dewoule nan dat ki fikse a, yon fason ki jis, nan transparans ak lapè.”
Fen tèks.