Juj denstriksyon Ramoncite Accimé ki an chaj skandal ki gen rapò ak dilapidasyon lajan Petrocaribe a rann yon òdonans ki mande bank yo ak enstitisyon finansye yo nan peyi dAyiti debloke lajan antrepriz ki endexe nan skandal Petrocaribe a.
Kòm reyaksyon, lidè opozisyon e younn nan avoka k ap travay sou dosye Petrocaribe a, mèt André Michel, rejte dènyè òdonans la. Mèt André Michel di
“Jij Ramoncite pran òdonans sa a pou l ese blanchi moun ki pran lajan Petrocaribe yo. Men, se byen konte mal kalkile. Defèt droi se yon bagay pwovizwa; nou pral atake òdonans sa a devan Kou dapèl Pòtoprens la, e Kou dapèl la pral gen pou l di sa droi prevwa nan ka sa a.”
Pierre Esperance, se Direktè Ekzekitif Rezo Nasyonal Defans Dwa Moun ann Ayiti RNDDH. Msye Esperance di ”Jij Ramoncite refize kite pòs Jij denstriksyon an. Avoka yo la. Yap fè sa lalwa di. Jou pou prosè [Petrocaribe] a fèt, lap fèt.”