Prezidan konteste Venezuela a Nicolas Maduro, ki te mete yon mesaj nan radio ak televizyon devan nasyon an dimanch 31 mas la, anonse yon plan 30 jou pou redui konsomasyon elektrisite.
Plan an pral pèmèt msye Maduro fè fas ak pwoblèm dlo ak enfrastrikti kominikasyon. Popilasyon an te fè yon konsè kaseròl pou pwoteste kont blakawout la. Prezidan pwovizwa a Juan Guaido rann rgouvènman Maduro a responsab akoz move jesyon ak neglijans.
Semèn pase a, rejim Madura a te deklare li retire nan men lidè enterimè a Juan Guaido dwa pou l okipe fonksyon piblik. Entèdiksyon sa a ap valab pou 15 zan.
Etazini ak plizyè lòt peyi pami yo Ayiti pa rekonèt letimite Nicoals Maduro kòm prezidan Venezuela. Juan Guaido, prezidan asanble jeneral Venezuela ki prezante tèt li kòm prezidan pwovizwa nasyon bolivaryèn nan jwenn sipò peyi ki pa rekonèt pouvwa Maduro a. Sepandan Kiba, Larisi ak Lachin 3 aly Maduro depi lontan rete fidèl ak rejim Karakas la.
Semèn pase a, nouvèl yo te rapòte ke 2 avyon degè ris te ateri nan Karakas, yon aksyon ki revòlte Washington kote Prezidan ameriken an Donald Trump, ki tap resevwa nan biwo Oval Lamezon Blanch, Fabiana Rosales, madanm prezidan pwovizwa Venezuela a Juan Guaido, fè konnen "Larisi dwe rale kòl nan Venezuela."
