Si wap pran avyon wikèn sa a Ozetazini - pare ko'w pou gwo foul moun, avyon ki chaje ak pasaje, epi gen anpil chans pou delè oubyen menm anilasyon.
Konpayi ayeryen yo te gen anpil difikilte pou yo jere kantite pasaje ki tap vwayaje pou 2 dènye fèt nasyonal yo e gen anpil chans pou kantite Ameriken kap pran avyon pou wikèn 4 Jiyè a bat tou reko ki egziste yo.
Deja gen pwoblèm. Konpayi ayeryen yo anile yon pakèt vol semèn sa a, akoz move tan ki fose yo chanje wout kèk avyon.
Sèvis FlightAware la ki trake vol avyon kap fèt Ozetazini di American Airlines anile 8% vol li yo Madi ak Mekredi. United Airlines limenm anile 4% vol li yo menm jou sa yo.
