Tanpèt Twopikal Hilary anvayi zon sèch Meksik ak dlo epi apre sa li inonde rejyon Sid Kalifòni soti depi nan vil vakans Palm Springs ki sitye nan yon dezè pou yo rive jis nan morn yo. Sekouris yo te al sove plizyè moun ki te bloke lè dlo te anvayi katye yo.
Hilary febli kounyea e li vanse nan eta Nevada.
Tanpèt la te frape prèskil Baja California Meksik la Dimanch, kote pa gen anpil abitan. Gen yon moun ki mouri neye.
Apre sa li te travèse Tijuana, kote ki gen risk lavalas tè.
Hilary se premye tanpèt twopikal ki frape Sid Kalifòni depi 84 an. Li lage pliz pase valè dlo rejyon an konn resevwa pandan 6 mwa, yon sèl kou.
