Seleksyon jiri a tamen nan pwosè federal R. Kelly a nan vil Chicago, ki se vil natal li.
Jij kap kestyone manm potansyèl jiri a ap prete anpil atansyon a kestyon pou konnen si yo te gade yon dokimantè an 2019 sou akizasyon abi seksyèl kont vedèt R&B a.
Kelly ap fè fas ak akizasyon kom kwa li te fè koken nan pwosè pornografi timoun ni an 2008, apre li te menase epi peye yon tifi kek li te swadizan filme ap fè seks avèl lè li te gen 30 an, e fi a te gen 14 zan.
Manm jiri a te jwenn Kelly non koupab de tout akizasyon yo nan pwosè 2008 la. Seleksyon jiri pwosè kounyea, sipoze dire jis Madi.
