Sekouris yo kontinye ap chache yon ti soumaren ki tapral gade debri bato Titanik la e ki disparèt nan Oseyan Atlantik la. Ti soumaren an deja depase limit 96 he d tan oksijèn ki disponib pou pasaje yo respire.
Limit sa a bay sekouris yo gwo kè sote e sa lakoz yo entansifye jefo pou pou sove 5 moun ki nan ti soumaren an.
Titan te gen ase oksijèn pou dire 4 jou, lè li te tanmen vwayaj li Dimanch maten nan No Atlantik la.
Sepandan ekspè yo souliyen ke se yon apwoksimasyon e ke li posib ke pasaje yo taka genyen aksè ak oksijèn pi lontan si yo pran mezi pou konsève lè ki andedan aparèy la.
Pèson pa konnen si pasaje yo toujou vivan.
Jedi Gad Kòt Etazini te deklare yon wobo ki gen kapasite pou l ale nan fon lanmè te rive nan fon lanmè a. Yon Enstiti rechèch Franse ki gen wobo ki gen kamera, limyè ak bra e ki gen kapasite pou plonje nan fon lanmè a rejwenn operasyon sekou a tou.
