Youn nan gwo nouvèl k ap domine aktyalite a se yon enfòmasyon ki parèt nan sa yo rele "Papye Pandor yo". Daprè nouvèl la -ki pwovoke yon eksplozyon nan sèten milye finansye ak politik- plizyè gwo potanta atravè lemond (lidè mondyal, òm ak fanm politik, gwo vedèt mizik ak sinema, elatriye) twouve yo pami moun ki voye sere lajan yo nan "paradi fiskal", sa vle di nan bank sekrè kote yo pa peye okenn taks. Sa ki fè enfòmasyon an enteresan pou Ayiti, sè ke "Papye Pandor yo" site non yon ansyen Premye Minis ayisyen, Laurant Lamothe, kòm youn nan gwo potanta ki sou lis la.
Klike sou lyen ki pi ba yo pou w suiv 2 repòtaj sou dosye a: youn avèk Serge Rodriguez nan Washington D.C., epi lòt la avèk Franclyn Gedems Edouard ki baze nan Pari, an Frans.
