Minis Sekirite Panama a deklare kantite migran kap travèse rak gwa danjre ki rele Pas Darien an ogmante anpil-anpil.
Juan Manuel Pino deklare Mèkredi ke jiskaprezan ane sa a gen 46,415 migran yo anrejistre ki travèse pas la.
Chif yo te anrejistre an 2021 an pandan menm peryod la sete 26,216. Ane sa a te gen yon total 133,000 migran ki te travèse Panama, e li di sa sigjere chif pou ane sa a ap pi wo toujou.
Majorite migran ki te travèse Pas Darien an an 2021 sete Ayisyen. Otorite yo estime pi gwo gwoup migran yo ane sa a se Venezyelyen.
Gouvènman Panama apwouve $4,9 milyon pou bay migran yo manje.
