Yon afè 2,000 migran pran lari vil Tapachula, nan sid Meksik pou fòme yon karavan. Yo di yo pa enterese nan viza ak pèmi gouvènman an akode nan kad jefò lap fè pou kraze lòt karavann.
Olye de sa yo mande pou otobis vinn chache yo pou mennen yo sou frontyè Etazini.
Dènye gwoup la fome 2 semèn sèlman apre yon pi gwo gwoup te pati kite Tapachula. Majorite nan migran sa yo te jwenn dokiman pwovizwa ki pèmèt yo kontinye pran direksyon nò a.
Sepandan migran ki pran lari Vandredi yo di otorite yo nan lòt rejyon Meksik pa respekte dokiman sa yo e yo voye anpil migran tounen nan sid la.
