Pandan odisyon sa, Palacios, ke Etazini akize kom konplis ak patisipasyon l nan asasina Prezidan Ayisyen Jovenel Moise 7 Jiyè 2021, ap kapab plede fas ak 2 chèf akizasyon la jistis Ameriken lanse kont li yo.
Dapre dokiman an, Palacios te gen yon entèprèt ki tap tradwi pou li an panyòl, e li te mande pou tribinal la nonmen yon avoka pou defann li, paske li pa gen resous finansye pou peye frè legal yo.
Ann atandan, Palacios rete femen nan yon prizon nan Miami.
Avoka tribinal la nonmen an, Alfredo Izaguirre te di Jij Alicia Otazo-Reyes ke li rekòmande pou Palacios rete fèmen nan prizon paske li pa gen okenn stati imigrasyon, e li pa gen okenn paran ni lot koneksyon ak moun Ozetazuni. Jij la te pase lòd pou arete misye e li site kòm rezon ke Palacios ka eseye chape poul li.
Izaguirre di kliyan li an pral pwobableman plede non koupab nan odisyon 31 Janvye a.
Arestasyon, depotasyon Ozetazini
Nap raple ke la jistis Panama te arete Palacios pandan yon eskal li te fè nan peyi a sou wout pou'l tounen nan peyi li, Kolonbi. Jamayik te lage misye epi depote'l apre avoka li te mande pou sa fèt e paske dapre la jistis Jamayiken, dokiman Ayiti te voye ba li pou mande yo ekstradisyon misye an Ayiti pat adekwa pou yo fè sa.
Nan yon nòt de près li voye bay VOA, Depatman Jistis Etazini konfime arestasyon Palacios Panama e li di ke misye te bay konsantman'l pou vwayaje Ozetazuni. Depatman Sekirite Nasyonal ak FBI akize Palacios dèske kom kwa li te konplote pou bay sipò materyèl ki te debouche sou lanmò yon lidè etranje e ke li te konplote pou'l touye yon lidè etranje.
Si yon tribinal jwenn ni koupab, Palacios ta ka pase rès vi li nan prizon.
Sistem jidisyè Etazini di tout akize prezime inosan, jiskaske yon jiri jwen ni koupab apre yon pwosè.
Detay sou entèwogasyon an
Plent ofisyèl la jistis devwale Madi fè konnen Palacios te pale volontèman ak otorite Ameriken e ke yo te di yo ke nan mwa Oktob la yon konpayi te anplwaye'l pou'l vwayaje Ayiti kòm gad sekirite epi patisipe nan yon swadizan operasyon pou arete prezidan an. Palacios di apre sa ko-konspiratè yo te di'l vè 6 Juiyè ke plan an sete pou asasinen Prezidan Moise.
Interpol gen plizyè alèt wouj kont Palacios.
Men kijan moun Potoprens reyaji sou arestasyon Palacios
Jounalis VOA Espayol Celia Mendoza ak korespondan jistis VOA Masood Farivar te kontribye a repotaj sa a. Yon pati nan enfomasyon an soti nan Associated Press.
