Meksik gen yon nouvo vedèt baskètbòl. Li gen 71 zan e li rele Andrea Garcia Lopez.
Abone TikTok yo ba li ti non jwèt "Mèmè Jordan", lè yo wè videyo li kote lap vannen moun sou teren baskètbòl la nan ti bouk ki rele San Esteban Atalahuca, ki sitye nan eta Oaxaca nan sid Meksik.
Gen plis pase yon milyon moun ki gade videyo li, ke pitit pitit li pibliye.
Nan videyo a, nou wè Lopez, yon atizan lokal ki gen cheve gri e ki penyen ak 2 très byen lont, kap vannen lòt jwe yo sou teren an epi choute baskèt. Li pa mete chòt non - li mete jip pito.
Lopez di li espere kontinye jwe pandan plizyè zane, menm si jenou li konn fè'l mal tanzantan.
