Meta sot Devwale yon app ki rele Thread e ki pare pou taye zèb anba pye Twitter.
Threads vize itilizatè kap chache yon altèrnativ, apre Elon Musk achte Twitter epi fè yon bann chanjman nan rezo sosyal la.
Meta fè piblisite pou Threads tankou yon vèsyon teks Instagram - ki se yon rezo sosyal kote moun pataje imaj.
Li komanse vann Mèkredi sou magazen App store Apple la ak sou Google Play pou telefòn Android yo. Lap vann nan 100 peyi etranje.
PDG Mark Zuckerberg di gen 10 milyon moun ki deja enskri nan premyhe 7 hè app le te vinn disponib.
Sa sigjere ke Meta pare pou l defye dirèkteman platfòm Musk la ki fè fas ak anpil tubulans e ki fè yon seri chanjman itilizatè yo pa renmen ditou. Gen konpayi ki te konn achte piblisite sou Twitter ki deside bay vag tou.
Sepandan Threads soulve kèk kè sote pa rapò ak pwoteksyon done prive itilizatè yo, kidonk li pap disponib nan Inyon Ewopeyen an pou kounyea.
