Gen 15 chanpyon aktyèl ak ansyen chanpyon Gran Chelèm kap jwe nan US Open yo. Pami yo gen Naomi Osaka, ki genyen chanpyona a 2 fwa.
Ane ki pase a pat fasil pou jwèz Japonèz-Ayisyèn nan ki gen 24 an. Li pat patisipe nan US Open na ane pase a akoz kèk pwoblèm sante mantal. Li lite ane sa a tou pou sante fizik li.
Yon blesi nan pye te lakoz li patka jwe nan tounwa Wimbledon nan e li te rale ko li pandan premye tou Toronto a sa gen 2 semèn akoz yon pwoblèm nan do.
Osaka ranpote yon sèl match depi mwad Avril la e li admèt ke lap jwe nan US Open nan nan moman konfyans li ba.
Osaka klase 44èm mondyal e li pral fè fas ak finalis Open Ostralyen Danielle Collins nan premye tou a Madi.
Osaka pale tou de Serena Williams, ki anonse lap pran retrèt li:
"Mwen kwe li gen anpil akonplisman tèlman anpil ou paka dekri yo. Li chanje spo a anpil. Mwen kwè mwen se rezilta travay li. Mwen patap la san Serena, Venus ou konnen? Tout fanmi an. Mwen trè rekonesant e mwen toujou ap eseye wè ki pawol mwen ka sèvi pou dekri'l. Mwen kwè li se pi gwo pwisans nan spo a. E sa pa diminye siksè Federer ni Nadal. Mwen tou senpman kwè li se pi gwo atlèt spo a pral janm konstate, e se yon onè pou'm gade'l ap jwe."
