Mwayen Oryan
Nan Moman Lame Izrael ap Pran Reprezay, Palestinyen yo di Sivil yo ap Peye Pri Atak kont Gaza yo
Pandan 5 jou ki pase yo, avyon lagè Izraelyen pilonnen Gaza ak yon entansite sitwayen yo poko janm konstate anvan.
Ministè Sante Gaza a di atak ayeryen yo lakoz plis pase 1,100 Palestinyen pèdi lavi yo.
Responsab yo poko di konbyen sivil ki pami viktim yo, men sekouris yo lanse avètisman pou di desizyon Israel pran pou enpoze yon "syèj total" kont anklav la ki gen 2,3 milyon abitan koze yon katastwòf imanitè ki afekte tout sitwayen yo.
Atak ayeryen yo transfòme katye ki te chaje ak aktivite an pil debri ak kadav ki epapiye pasi pa la. Pa gen okenn dlo pwòp pou bwè. Epi gen fè nwa. Sèl santral elektrisite teritwa a finn epuize tout gazolin li te genyen Mèkredi, sa ki lakoz se dèlko sèlman kap opere kounyea, e yo pap dire lontan.
See all News Updates of the Day
3 Otaj Rive Izrayèl Pandan Seselfe a Franchi Premye Etap li
3 otaj Hamas te kenbe nan Gaza tounen Izrayèl nan premye defi seselfe frajil ant Hamas ak Izrayèl la.
Otaj yo se: Romi Gonen, 24 an ke yo te kidnape pandan festival mizik Nova a, Emily Damari 28 an, ak Doron Steinbrecher, 31 an ke yo te kidnape nan Kibbutz Kfar Aza.
Pi ta Dimanch, Izrayèl sipoze libere apepre 90 prizonye Palestinyen.
Antant ki siyen an gen ladann liberasyon o fu e a mezi 33 otaj pandan 6 semèn kap vini yo.
An echanj, Izrayèl pral lage prèske 2,000 prizonye Palestinyen ak Palestinyen nan Gaza ke yo te arete.
Seselfe a ogmante espwa dèske yap kapab mete fen nan lagè a kap dewoule depi 15 mwa.
Putin ak Tokay Iranyen li Massoud Pezeshkian Siyen Yon "Akò Patenarya Estratejik"
Prezidan Ris Vladimir Putin ak tokay Iranyen li a Massoud Pezeshkian siyen yon "akò patenarya estratejik" nan Moskou.
Dapre jounalis AFP yo, trete a make yon nouvo rapwòchman ant 2 peyi yo, ki gen relasyon ostil ak peyi Loksidan yo.
Kontni akò a poko piblik, men Vladimir Putin akeyi akò a "ak yon objektif anbisye" apre yo fin siyen dokiman sila.
Li te deklare "Lyen ki genyen ant 2 peyi nou yo se konsiderab ak mityèlman benefisye."
Kisa k nan Akò Sispann Tire Izrayèl ak Hamas la?
Akò pou sispann goumen ant Izrayèl ak Hamas pèmèt fòs Izraelyen yo rete nan kèk pati nan Gaza jiskaske tout otaj Izraelyen yo jwenn liberasyon yo.
Trèv nan Gaza: Irak Mande Livrezon Èd Imanitè yo "Prese Prese"
Irak salye mèkredi akò trèv ki pase ant Izrayèl ak Hamas la, pandan li souliye "nesesite pou yo pèmèt èd imanitè rive imedyatman nan Gaza ak lòt teritwa palestinyen."
Ministè Afè Etranjè Irak la, ki estime trèv la fèt apre "kokenn chenn sakrifis ak gwo soufrans pèp palestinyen an" nan Gaza, reklame plis efò entènasyonal pou rekonstriksyon zòn ki detwi pandan agresyon" izrayelyen an, pou "garanti yon retou nan lavi nòmal epi yon amelyorasyon nan kondisyon lavi popilasyon an."
Dapre Yon Sous Palestiniyen Hamas, Jihad Islamik Apwouve Akò Trèv Gaza a
Yon sous Palestinyen nan Doha, ki pre otorite kap negosye pou yon gen yon trèv nan lagè Izrayèl ap mennen nan Gaza, di AFP gwoup militan palestinyen Hamas ak Jihad islamik te apwouve yon akò sesefe.
Akò saa gen ladann liberasyon plizyè otaj nan premye faz akò pou sispann goumen an.
An echanj, va gen liberasyon anpil prizonye palestinyen ki anba men gouvènman Izrayèl la, se sa 2 sous Palestinyen ki pre negosyasyon yo nan Doha deklare mèkredi.
Sous la, ki te pale sou kondisyon pou non l pa site, te di " Pati yo rive jwenn yon akò ant yo, epi yo te enfòme medyatè yo sou apwobasyon yo pou akò saa ki prevwa yon echanj (prizonye) ak yon trèv,".
Yon lòt sous palestinyen te konfime apwobasyon akò silaa tou.
Facebook Forum