Twitter sispann kont rapè Kanye West, ki vle pou moun rele li Ye kounyea, akoz yon mesaj li pibliye kote li mete yon foto senbol Nazi a melanje ak Zetwal David la.
Ye fè yon seri komantè anti-juif pandan jou ki pase yo.
Jedi li chante lwanj Hitler nan yon entèvyou ak pèsonaj konsevate Alex Jones ki se yon patizan teyori konplo.
PDG Twitter la, Elon Musk konfime sispansyon an. Li reponn mesaj Twitter Ye a ak komantè sa a: "Mwen eseye fè tout sa m te kapab. Malgre sa li vyole anko règleman nou sou ensitasyon zak vyolans. Nap sispann kont li."
Met sou sa, rezo sosyal dwatis Parler di yon antant li te genyen ak Ye - ki vle achte li - anile kounyea.
