WASHINGTON D.C. —
Kèk nan ayisyen k ap viv anba yon pon ki separe vil Del Rio, o Tegzas, pati sid Etazini, avèk vil Ciudad Acuna, o Meksik, jwenn pèmisyon pou yo rete pwovizwaman Ozetazini annatandan yo konparèt devan yon jij ki pral deside si yo kalifye pou yo jwenn azil nan peyi a. Pandansetan, 2 ajan konsilè gouvènman ayisyen an, Madam Woodline Nogart Jean, konsil jeneral d Ayiti nan Atlanta, avèk Marc-Yves Saint-Victor, konsil jeneral d Ayiti nan Chikago, ale sou plas nan Del Rio pou yo pote bay migran yo asistans lalwa prevwa nan ka konsa. Kèk avoka amerikano-ameriken pote yo volontè tou pou yo ede imigran yo konnen e defann dwa yo.
Klike sou lyen ki pi ba a pou w suiv yon repòtaj anvwaye espesyal Lavwadlamerik la, Jean Robert Philippe.
