Responsab Ameriken yo di yo pa gen kè sote La Chin pral atake avyon Nancy Pelosi si li vwayaje nan Taiwan.
Sepandan, lidè La Chanm dè Reprezantan an ta va ap antre nan youn nan peyi ki se yon pwen cho nan mond lan, kote yon fo pa, yon mezantant takapab mete sekirite li an danje.
Kidonk, Pantagon nan ap devlope plan kontenjans. Responsab yo di Associated Press ke si Pelosi ale Taiwan vreman vre, lame a pral ogmante mouvman fòs li yo nan rejyon Endo-Pasifik la.
Responsab yo di avyon konba, bato, mezi siveyans ak lòt sistèm militè pral sevi pou antoure e pwoteje lidè La Chanm nan.
La Chin konsidere Taiwan kom teritwa pa li, e li soulve posibilite pou li ta anekse zile a pa la fòs.
