Teleskòp Spasyal James Webb la NASA a pral bay mond lan premye imaj inivè a jan li te egziste lè premye seri galaksi yo te fòme. Ajans Spasyal Ameriken an lanse li nan lespas depi kot nòdes Amerik di Sid la, pou louvri yon nouvo epòk astwonomi.
Teleskòp revolisyonè a koute $9 milya dola pou konstwi e li mache ak teknoloji enfra wouj. La NASA dekri'l tankou premye obsevatwa syans ak espas ki pral dominen pwochen deseni a. Se yon fize Ariane 5 ki pote'l nan lespas apre li dekole a 7h20 maten an (1220 GMT) depi baz Ajans Spasyal Euwopeyen an ESA ki sitye nan Guiyan Fransèz.
Lansman Fèt Nwèl la te 10 sou 10, san fot, ak yon kontarebou an Franse ke la NASA ak ESA te difize ansanm an dirèk. Dekolaj la klotire yon pwojè ki pran deseni pou acheve, apre plizyè zane delè ak gwo depans ki te lakoz yo te depase bidjè yo te prevwa a.
