Yon jij federal Ameriken kondane yon ansyen patizan Prezidan Donald Trump pou'l pase 3 zan an pwobasyon akoz li te voye yon email bay depite Ilhan Omar, yon Demokrat ki reprezante eta Minnesota nan Kongrè a ansanm ak 3 lot depite fanm.
David George Hannon, 67 an, ki se moun Sarasota, Florid ap gen pou'l peye yon amann $7,000 dola tou, sibi tretman pou moun ki pa byen nan tèt epi sa yo ki abize sibstans tankou dwog ak alkol epi li paka gen okenn kontak ditou ak palmantè li menase yo.
Pitit fi Hannon di jij la papa li te santi'l kom kwa Prezidan Donald Trump ba'l pèmisyon pou'l pase a l'aksyon e ke kounyea li regrèt li te apiye Trump.
Hannon plede koupab nan mwad Avril la dèske li te menase yon ofisye federal. Jij la te pran an konsiderasyon le fèt ke Hannon regrèt sa'l fè a, laj li ak pwoblèm sante li genyen lè'l tap deside ki santans pou'l bay misye.
