Kylian Mbappé make 2 gòl epi pare chimen an pou Olivier Giroud make yon twazyèm pou ede La Frans ranpòte la viktwa 3-1 sou La Polòy, epi avanse nan ka de final yo.
Jwè ekip Paris Saint-Germain an gen kounyea 5 gòl nan tounwa a. Kidonk la Frans byen plase pou defann tit chanpyon li nan tounwa a.
Okenn peyi poko janm ranpòte 2 Mondyal afile depi Brezil te fèl an 1958 ak 1962.
Itali se sèl lòt peyi ki ranpòte 2 Mondyal afile an 1934 ak 1938.
La Frans va fè fas ak swa Angletè swa Senegal nan ka de final yo.
