Vincent Aboubakar make yon gòl ak tet li 2 minit apre pwolongasyon match Kamewoun kont Brezil la pou ranpòte la viktwa 1-0 Vandredi 2 Desanm.
Rezilta a te pèmèt Brezil, ki ranpòte Mondyal Foutbòl la 5 fwa, ranpòte gwoup li epi elimine Afriken yo.
Aboubakar te resevwa yon dezyèm kat jon poutèt li te wetire mayo li pandan li tap selebre gòl la.
Brezil te deja rive nan faz eliminatwa a anvan match li a, apre viktwa li kont Sèrbi ak La Swis.
Antrene Brezilyen an Tite te kite prèske tout pami pi bon jwè ekip la repoze e li te fè 10 chanjman apre viktwa kont La Swis la Lendi.
Brezil tap jwe san Neymar ki blese. Sepandan, vedèt la te prezan nan stad la pou swiv match la ak kanmarad li yo.
