Yon Kou Siprèm divize deside ke administrasyon Biden nan te depase otorite li le li te eseye anile oubyen redui dèt plizye milyon etidyan Ameriken ki prete lajan pou al nan inivèsite.
Jij konsèvatè yo ki gen majorite nan Kou Siprèm nan te vote 6 kont 3 ke plan Prezidan Joe Biden te anonse ane pase a, pa valid.
Kounyea moun ki prete lajan pral oblije reprann peman dèt yo nan sezon otonn nan.
Kou siprèm nan deklare fok administrasyon an jwen apwobasyon Kongrè a anvan li tanmen yon pwogram konsa ki koute anpil lajan, e li rejte agiman ki di kom kwa yon lwa Demokrat ak Repibliken te apwouve an 2003 sou jestyon pre etidyan yo te bay Biden otorite pou l fè sa.
