Kore di Sid fè konnen Kore di Nò lanse 2 misil balistik nan direksyon lanmè ès la. Se dènye nan yon seri esè nikleyè Nò a fè nan jou ki sot pase yo.
Chèf Deta Majò Fòs Zame Kore di Sid la di lansman yo fèt depi kòt ès la bonè Dimanch (lè lokal).
Gouvènman Japonè a di li te wè lansman misil Nò Koreyen yo tou.
Lansman sa yo se 7èm seri esè misil peyi a fè pandan 2 semèn ki pase yo. Li fèt kèk hè d tan sèlman apre Etazini ak Kore di Sid te mete fen nan yon nouvo seri egzèsis militè tou pre kòt ès Prèskil Koreyèn nan.
