Yon misil balistik Kore di Nò (IRBM) te lanse te pase sou tèt peyi Japon Madi 4 oktob la. Tokyo te aktive sistèm avètisman li a, epi mande rezidan nan sèten rejyon pou yo tal abrite yo.
Dapre Chef d Eta Majo Fos Zame Kore di Sid la, lame li ak Ameriken yo, yo chak te tire 2 misil sou Lanmè Japon an Mèkredi.
Tou 2 lame yo te tire 2 misil balistik ATACMS "yo ki ka frape sib avèk presizyon".
Egzèsis sa yo "te montre ke nou kapab e nou pare pou netralize pwovokasyon pandan n ap kenbe yon pozisyon siveyans san rete", yon nòt pou laprès fè konnen.
Lame a konfime tou ke yon misil Kore di Sid te echwe yon ti tan apre lansman li, san pat gen okenn viktim.
