WASHINGTON —
Nouvo pòt pawòl Prezidan Joe Biden nan, Karine Jean-Pierre deklare li espere timoun pral "fè gwo rèv" kounyea ke li se sekretè de près Lamezonblanch la.
Jean-Pierre se premye fanm nwa ak premye moun LGBTQ ki janm okipe pòs sa a.
Se youn nan pozisyon pi wo pwofil gouvènman Ameriken an.
Jean-Pierre te pran nesans nan zile Matinik. Paran li se Ayisyen.
Etidyan nan ansyen lise li nan Nouyòk deja voye lèt ba li pou di'l jan yo fyè de li.
Jean-Pierre bay premye konferans de près ofisyèl li Lendi, antanke sekretè de près.
