Van ensekirite a ann Ayiti kontinye fè viktim nan kan lapolis, prensipal enstitisyon ki la pou bay peyi a sekirite. Depi apre 18 novanm 2018 kote plizyè manifestasyon vyolan te dewoule atravè peyi a kote plizyè milye moun pran lari pou mande ankèt sou jesyon fon Petro Caribe a men tou pou ekszije demisyon prezidan repiblik la, Jovenel Moïse.
Pou dat 18 novanm nan sèman yon arejistre anviwon 6 sitwayen sivil mouri pa bal endividi moun pa rive idantifye dapre dekrasyon pòt pawòl polis la Gary Desrosiers. Nan lendi 19 novanm 2018, yon polisye, ajan inite mendyen dòd CIMO mouri asasine nan sant vil Pòtoprens pandan li tap pase sou yon motosiklèt. Bandi ki atake l yo rive menm mete dife sou kadav li.
Nan depatman Nip peyi a, yon ajan 4 lapolis ki tap antre Pòtoprens pèdi lavi li sou woul la lè li te eseye entèvni pou debloke yon wout manifestan te bloke nan kad leve kanpe kont pouvwa an plas. Endividi moun pat rive idantifye tire polisye a epi mete dife sou kadav li.
Mèkredi 28 novanm nan nan Matisan, yon zòn kote bandi fè sa yo vle, yon enspektè polis ki tap mennen pitit li lekòl tonbe anba bal asasen. Lapolis poko fè okenn deklarasyon sou asasina enspètè polis la ki te kantone nan komisarya Fò-Nasyonal la, yon katye nan Pòtoprens.
Samdi 18 novanm 2018, 5 ajan dwane nan Malpas ki swadizan tap eseye kanpe yon aktivite kontrebann mouri boule anba men popilasyon an ki te ankòlè apre ajan dwanye yo ta tire 2 ti-komèsan pitit yon sèl manman ki ta enplike nan aktivite kontrebann nan.
Ajan dwanye yo pat rive chape pou l yo malgre yo te kouri pran refij nan komisarya polis Malpas la. Polisye te rive chape poul yon men komisarya boule rapyete.
Direktè Jeneral polis la Michel Ange Gedeon nan yon deklarasyon fè konnen enstitisyon polisyè pran tout dispozisyon pou kwape asasen ki retounen nan peyi a ak pratik mete dife sou moun nan. Enstriksyon fòmèl deja pase ak tout reponsab polis yo pou trake avèk fraka tout moun yo sispèk ki ta enplike nan zak vyolan sa yo.
