Prezidan FIFA a, Gianni Infantino di lap pale ak federasyon foutbòl ki manm FIFA yo pou asire peman $30,000 yo deziye pou chak jwèz ki patisipe nan Mondyal Foutbòl Feminin nan rive jwenn atlèt yo.
Se federasyon nasyonal yo ki pral resevwa peman yo, epi yo ta sipoze peye jwè yo apre sa.
Sepandan pa gen oken mekanizm ki egziste pou peye jwèz yo dirèkteman.
Anvan sa, FIFA te konfime ke 732 jwèz foutbòl kap patisipe nan Mondyal la pral touche omwens $30,000 yo chak.
Yo pral touche plis lajan toujou si ekip yo byen pèfòme nan tounwa a.
Ekip ki ranpòte mondyal la limenm pral resevwa $270,000 pou chak jwè.
