DENVER —
Etazini fèk parèt ak premye paspò ki gen diziyasyon jan "x" - ki se yon kokenn chenn pa ann avan nan jefò k ap fèt pou rekonèt dwa moun ki pa idantifye tèt yo kòm ni gason, ni fi.
Depatman d'Eta anonse Mekredi li atann ni aske l ap kapab ofri opsyon sila a pou tout popilasyon an nan komansman ane 2022 a.
Anvwaye espesyal diplomatik pou dwa LGBTQ a, Jessica Stern, deklare chanjman sa a senkwonize dokiman leta yo ak "reyalite aktyèl la".
Depatman d'Eta pa presize kiyès k ap resevwa premye paspò a. Li derefize reponn kestyon pou konnen si se yon Ameriken entèsex ki abite nan eta Colorado - ki ap mennen pwosè pou sa fèt depi ane 2015.