Otorite frontye Etazini yo stope migran sou frontye sid peyi a pi souvan pandan mwad Me a, sa ki reprezante yon ogmantasyon pandan 4 mwa ki pase yo. Otorite yo di sanble migran yo pa afekte ditou pa limit ki egziste akoz pandemi a, paske yo atann yo aske yo pral leve.
Ajans Pwoteksyon Fontye ak La Dwann nan deklare Mekredi, li rete plis pase 239,000 migran mwa pase a, yon ogmantasyon 2% konpare ak mwad Avril la.
Mwa ki pase yo te konstate plis migran pase kantite yo te we pandan 10 zan ki pase yo, men konparezon ak nivo anvan pandemi a konplike paske yo ekspilse migran yo anba yon lwa sante piblik ki rele Tit 42. Moun yo ekspilse anba Tit 42 yo pa fe fas ak okenn konsekans legal, kidonk sa ankouraje yo re-eseye travese frontye a.
Tit 42 te sipoze ekspire 23 Me, men yon jij pase lòd pou yo kenbe'l an plas.
