Direktris Pwogram Alimantasyon Nasyonzini an nan Amerik Latinn nan deklare Madi - tout kontinan an ap bouje e ke gen yon kantite reko moun kap emigre nan Amerik di Sid.
"Nou konstate karavan migran kap deplase e anvan nou te konn pale de sakap pase nan Amerik Santral la men kounyea malerezman migrasyon se tout emisfè a. Nou gen tout kontinan an kap bouje," Lola Castro, Direktris Pwogram Mondyal Alimantasyon LONU pou Amerik Latin deklare.
Lola Castro site kom koz migrasyon ekstraodine sa a, chanjman klimatik, kriz ekonomik, pri petwol epi tout sa lakoz enskirite alimantè ki pouse moun pou yo kite rejyon an.
"Sa nap konstate se 9,7 milyon moun ki an danje mouri grangou nan peyi kote nap travay men se ka 14 milyon si kriz la kontinye. E se pa yon gon bagay, nap fè bak pou'n tounen nan nivo nou te konstate pandan pandemi COVID-19 la," Madan Castro deklare.
Castro di gen yon ogmantasyon ekstrèm nan kantite moun kap travèse Pas Darien nan, ki lye Kolonbi ak Amerik Santral la.
"Gen peyi tankou Ayiti ki gen 26% enflasyon sou pri manje a e gen lot peyi ki pi mal toujou anski konsene enflasyon ak pri manje yo," li presize.
An 2020 gen 5 mil moun ki te pran wout la. An 2021 chif la te ogmante a 151 mil.
Castro dekri tranje a tankou yon vwayaj 10 jou pou travèse youn nan rak bwa pi danjre nan mond nan.
Enfomasyon pou repotaj sa a soti nan Associated Press
