Administrasyon Biden nan pwomèt $100 millyon pou apiye yon fòs miltinasyonal Kenya pral dirije, pou retabli sekirite an Ayiti. Etazini lanse apèl bay lòt peyi etranje pou yo kontribye lajan tou.
Sekretè Deta Antony Blinken anonse Vandredi ke Lèzetazini pral apiye misyon an ak lojistik, ransèyman, pon ayeryen, kominikasyon, epi sipò medikal.
Fòk Konsèy Sekirite Nasyonzuni an apwouve misyon an.
Met sou Kenya, ki ta dirije operasyon an, Jamayik ak Bahamas fè konnen yo volontye pou kontribye tou.
Blinken lanse apèl bay kominote entènasyonal la pou kontribye pèsonèl pa yo tou ansanm ak ekipman, lojistik, fòmasyon ak finansman pou ke jefò a ka gen siksè.
