Kou Siprèn Etazini gen renome pou jan li konn kenbe sekrè. Chak ane jij li yo tande pwosè enpòtan, men sitwayen yo pa konn anpil sou sa yo panse apa de komantè yo fè pandan odyans yo.
Se poutèt sa enfomasyon yon jounal Ameriken resevwa sou opinyon posib Kou Siprèm nan sou yon pwosè enpòtan sou avòtman choke tout moun.
Teks la, ke jounal Politico pibliye di majorite tribinal la pare pou ranvèse desizyon kou siprèm nan te pran an 1973, yon desizyon istorik Ameriken ki rele Roe vs Wade, ki te legalize avòtman toupatou Ozetazini.
Se pa premye fwa enfòmasyon soti nan Kou Siprèm nan anba chal - men pa ak magnitid sa a.
Se sèlman yon ti gwoup moun, petèt 70 konsa, ki te ka wè tèks Jij Alito tap prepare a, ke jounal Politico te vinn pibliye.
