Doktè Anthony Fauci, ekspè pi wo plase Ameriken sou maladi enfektyez, anonse Lendi li pral pran retrèt li nan mwad Desanm nan.
Prèske tout Ameriken konnen Fauci - e li te sibi anpil atak anba gouvènman Trump la nan epòk kote pandemi COVID-19 la te fèk komanse.
Misye pase 50 an kom fonkyonè leta Ameriken.
Fauci ap travay kom prensipal konseye medikal Prezidan Joe Biden, e li se direktè Enstiti Nasyonal Alèji ak Maladi Enfektyez la, NIH. Li se an menm tan, direktè laboratwa NIAID pou Iminoregilasyon.
Fauci te yon lidè nan repons federal la fas ak VIH ak SIDA, epi lòt maladi enfektyèz ki te trakase peyi a menm anvan pandemi kowonaviris la.
