Depatman Deta pibliye rapò anyèl li kote li eksprime preyokipasyon li konsènan abi dwamoun k ap kontinye nan peyi Larisi, Lachin, Iran, Venezuela, Lejip ak lòt peyi ki gen rejim diktatoryal. Rapò a pale tou de konsekans pandemi kowonaviris la sou pratik dwamoun atravè lemond.
Dokimantasyon rapò a souliyen tou sa li rele “kek ka represyon trans-nasyonal” ki bay kèsote, ka kote gouvènman yo travèse fwontyè yo pou yo komèt nuisans, entimidasyon oubyen menm asasina sou disidan yo.
Madi 12 avril la, Sekretè Deta Antony Blinken, ki t ap entwodui rapò a, fè konnen pèspektiv yo pa briyan. Li deklare:
“Malerezman, machannaryè ki fèt nan domèn dwamoun nan kontinye”, e kòm egzanp li site “lagè brital” Larisi lanse nan Ikrèn nan. Chèf diplomasi amerikèn nan ajoute, pandan Larisi kontinye komèt atwosite sistematik e sou yon grann echèl nan Ikrèn:
“Nou wè kisa machannarye sa a kite dèyè li –se kadav, se men moun ki mare dèyè do yo e ki lonje nan lari; se lokal sinema, estasyon tren, konplèks apatman ki tounen debri avèk sitwayen anndan yo.”
