Prezidan Joe Biden chante lwanj yon nouvo lwa ki vize redwi kantite zak vyolans ak zam kap fèt Ozetazini kom "vre pwogrè" men li ensiste "gen plis travay pou fè."
16 jou sèlman apre li antre ann aplikasyon, lwa bi-patizan an (setadi ki gen sipo Repibliken kou Demokrat) deja gen lombraj yon lot fiziyad sou li.
Biden deklare pandan yon "selebrasyon" nan Lamezonblanch kote yo tap fete nouvo lwa a Lendi ke Etazini toujou "anvayi ak zam lagè".
Kongrè a adopte lwa a apre fiziyad ki fèt nan Buffalo, Nouyok ak Uvalde, Texas. Sepandan, depi prezidan an siyen'l, yon nèg ak zam nan Highland Park, Illinwa tire e touye 7 moun pandan yon parad pou Fèt Endepandans la - ki se yon rapèl limitasyon lwa a.
Nouvo lwa a mete restriksyon pi sevè pou jèn jan kap chache achte zam.
Enfomasyon pou repotaj sa a soti nan Associated Press
