Gouvènman kanadyen an anonse, jedi 11 novanm 2021 an, l ap wete pwovizwaman pèsonèl ki pa esansyèl k ap travay nan anbasad li ann Ayiti, akoz sityasyon ensekirite a k ap deteryore rapidman nan peyi sa a.
"Global Affairs Canada ap raple pwovizwaman tout anplwaye kanadyen ki pa esansyèl yo ansanm ak fanmi yo nan anbasad kanadyèn nan ann Ayiti." Se gouvènman kanadyen an ki fè anons sa a nan yon deklarasyon li pibliye. Nòt la ajoute anplwaye esansyèl yo, yo menm, pral kontinye pote asistans yo bay sitwayen kanadyen k ap viv ann Ayiti.
