Brezil leve defi absans Neymar la pou kale La Swis 1-0 pou avanse nan pwochen etap Mondyal Foutbòl Qatar la.
Casemiro make yon gòl pou Brezil nn 83èm minit la pou bay seleksyon nasyonal la yon avans nan dènye 16 minit match la nan Gwoup G a.
Antrenè kip la Tite deklare: "Byen antandi nou sonje yon jwe tankou Neymar. Ekip la pèdi anpil san misye. Men nou gen lot jwe ki ka fè travay la tou - jan tout moun te wè sa jodia."
Neymar limenm te rete an otèl ekip la kote li tap resevwa swen pou yon blesi li sibi nan cheviy nan preye match Brezil nan Qatar.
Doktè ekip Brezil la poko di kile Neymar taka tounen - ou si li pral tounen ditou.
Vedèt la pibliye yon mesaj sou Twitter kote li di "Casemiro se pi bon jwè mitan defansiv nan mond lan depi lontan."
Brezil Kale La Swis 1-0 Pou Avanse nan Mondyal la
Jwe Brezilyen Marquinhos deklare: "Nou konnen Neymar se yon gran jwè e ke li fè diferans la. Nan moman difisil li pran responsablite epi kreye opotinite, men nou montre anko jodia nou gen jwè kalite ki ka konpanse pou absans li."
Viktwa a bay Brezilen yo 6 pwen apre 2 match. La Swis gen 3 pwen limenm.
Serbi ak Cameroon fè match nil pi bonè nan jounen an e yo gen yon pwen yo chak.
La Swis pral oblije genyen match li kont Serbi pou avanse nan pwochen etap tounwa a. Si li fè match nil, li taka avanse tou - men sa pral depann de rezilta match Brezil Cameroon nan.
Brezil pèdi sèlman youn pami denye 29 match li jwe yo nan etap gwoup la. Dènye defèt li sete devan Nòvèj an 1998.
La Swis te pèdi sèlman 2 pami 13 dènye match li yo nan Mondyal la.
Antrenè ekip Swis la Murat Yakin di pa l entemedyè yon tradiktè: "Mwen paka blame ekip la, yap travay byen depi lontan. Mwen pa kwè nou desi. Gen anpil bon bagay nou ka tire de patisipasyon nou nan Mondyal la. Pwochen match la se yon bagay nou ka kontwole."
Limy yo nan stad la te diminye nan entansite kèk segond anvan mitan match la e sa te lakoz yo te sispann jwe. Brezil tapral choute yon corner lè sanzatann te komanse fè nwè nan stad pwovizwa a.
