UVALDE, TEXAS —
Prezidan Joe Biden ak premye dam Jill Biden vizite Uvalde nan eta Texas pou rekonfòte sitwayen vil la apre yon fiziyad nan yon lekòl primè ki soulve kolè ak tristès.
Biden yo rann omaj ak viktim yo - 19 timoun ak 2 pwofesè - ki mouri pa bal pandan fiziyad nan lekòl primè Robb Elementary School la. Koup prezidansyèl la te vizite yon lye kote moun depoze flè ak lòt bagay nan memwa moun ki mouri yo.
Apre yo te rive nan lekòl la, prezidan an te pase bò kote yon moniman ki fèt ak 21 kwa blan, youn pou chak viktim. Premye dam nan te depoze yon bouke flè blan devan ansèy lekòl la.
Biden yo te pase tan ap gade moniman chak elèv. Premye dam nan te manyen foto yo pandan koup la te pase devan epi fè yon poz bò kote chak moniman.
