Prezidan Joe Biden ak alye li yo souliyen plan yo genyen pou kreye yon koridò pou tren ak bato ki va lye End ak Mwayen Oryan an epi evantyèlman Ewòp.
Otorite Ameriken yo di yon rezo konsa ta chanje komès global kap fèt la konplètman.
Yo te anonse detay yo Samdi nan peyi End kote yap patisipe nan rankont o somè anyèl Gwoup dè 20 an. Gwoup sa a rasanble 20 pi gwo ekonomi nan mond lan.
Otorite Ameriken yo di koridò a ta ogmante komès, transpò resous enèji epi ameyore konektivite nimerik la.
Li pal enkli End, Arabi Saoudit, Emira Arab Ini, Jòdani, Israel ak Inyon Ewopeyen an.
Koridò pou tren ak bato a taka tounen youn nan pwojè pi anbisye pou kontre kokenn chenn pwogram enfrastrikti Lachin nan.
